The Traveling Salesman Problem

Har sawaal ka jawab Quran mein hai.
Masla meri jaan insaan mein hai.

Iss jahan mein adam ko iblees se wasta
aur deedar-e-Khuda aglay jahaan mein hai.

Amooman ilm ke sumandar ubal rahay hain.
B'juz jo hikmat zalzalay ke imkaan mein hai.

Hum bhi guzar jaein ge chupke chupke
Tum ne kiyun dalna hamein zindan mein hai.

Aur shehar ko Deewanay ki kya khabar
Har jaan ik hijaan mein hai.

Company

Jo pass hai so khas hai,
baqi she'r bakwas hai.
.  

Duniya Satrangi

Lub jaey te changi

Kama lein te sangi

Je mangi  te niri tangi.

Aye Duniya Satrangi

Jinni dhako ohni nangi.

Jinni jhappy ohni jangi.

Har paason chhalede wangi.

Aye Duniya Satrangi.

Per keh gaey ne murshad bhangi,

Saadi te hass-khed langi. 

Celebrations

Meri jaan, tum ne sirf arooj dekhe hain

Zawaalon se wasta pare ga tu kya ho ga?

Sawaal baraey sawal rawish hai tumhari

Jawabon se wasta pare ga tu kya ho ga?

Iss andher-nagri mein har diya khamosh

AwaazoN se wasta pare ga tu kya ho ga?

Umar kachi hai iraade magar pakkay hain

Apne jaison se wasta pare ga tu kya ho ga?

Who cares?

Bandagi jis ki na ho qabool
Us sach ko jaan bhi jao tu kya?

Ik abad hai ibadat ku maut ke baad
Hashar mein be-imaan bhi jao tu kya?

Hamaare jeete-ji tu na gai khafgi tumhari
Ab muskara do, maan bhi jao tu kya?

Happy New Year

I for one don't really care much for time,

But when the chime is worth a kiss and a rhyme,

Why, could there be anything more sublime?

Happy New Year, m'fellas, in love and crime!

do ghari

do ghari thehar ke tu dekho.

kuch log, kuch taur,

iss naey shehar ke tu dekho.

yahan bhi abaad hain dil;

yahan bhi barbaad hain dil;

pooch kar kisi se pichhle pehar ke tu dekho.

jaan jao ge ishq ki haqeeqat,

pee ke do qatre iss zehar ke tu dekho.

niyyat-o-amal nahi,

lafzon ka hi khel hai yeh sara;

likh kar ik ghazal

naam us be-mehar ke tu dekho.

The Rule of Three

To turn or not to turn, that is the problem.

To worry or not to worry, that is the question.

And Jangloos is the joke.

Yad'daasht

Tum mile na kuch ruswai hoi,

Haq mila na Haq-shanasai hoi.

Wahin bethay hain aaj bhi la-chaar,

Jahan barsoN pehle judai hoi.

Kuch Gulzaar si lagti hai,

Yeh aag kis ki hai lagai hoi?

4a.m.

Teri kham'shi ki paalki uthaey,

lafz hain dasht-e-tareeki mein gaamzan.

Chaley jatey hain ik ajab izt'raar mein,

garche rahbar hai koi na rahzan.

Ma'ni murjha chukey hain lekin,

khushboo hai chaar-su maujzan.