duur tak ma'yusi, jaisey veeraney main andhera par-fishan
ik wasle-saut, phir jaisey raja-o-zindagi ka samaaN
iss saut ke sau roop, sau thikaney
sau milta nahiN mukhatab ke lab-o-lums ka nishaaN
jawaban pukaron ussey, na paas ja kar chhu sakuN
mujh pey bhi tu zindaN hai meray zamaan-o-makaaN
kai baar tu bohat kareeb se bola, manind-e-irt'aash-e-dil
yeh haqiqat thi, ya mehaz mera gumaaN?
aur yeh gumaaN tu aur bhi gumrah-kun hai b'wajh-e-kashmakash
ke yeh sada-i-ghair hai ya mujh hi main hai pinhaaN?
kabhi tu mitaiN gey yeh zindaN, yeh gumaaN!
koi tu ho ga wasl-e-saut-saaz ka jahaaN!
iss jahaaN-e-be-gumaaN ki arzoo hi tu hai wajh-e-qayam
Hosh* ke paas warna aur kia hai jeenay ka saamaaN!
No comments:
Post a Comment